ရောင်ပြန်ဟပ်သောစာစုများ (၁)
တစ်ခါတုန်းက သူငယ်ချင်းသုံးယောက်ရှိကြတယ်။ သူတို့ဟာတောတွင်းတစ်နေရာမှာသွားရောက် ရှာဖွေစားသောက်သူတွေဖြစ်တယ်။ တစ်နေ့တော့သူတို့သုံးဦးဟာခါတိုင်းလိုသွားရင်းတစ်နေရာရွှေထွက်တဲ့ တွင်းတစ်တွင်းကိုတွေ့လေတယ်တဲ့။ ငါတို့သုံးယောက်ကတော့ဒီနေ့ကစ သူဌေးဖြစ်ပြီဆိုပြီးပျော်ရွှင်ကြတယ် တူးရအောင်လုပ်တော့ အစာစားစရာမရှိတော့ဘူး ဆက်တူးနေရင် သူဌေးမဖြစ်ဘဲငတ်ပြီးသေလို့နောက်လူ
ကောင်းစားသွားလိမ့်မယ်ဆိုပြီးတိုင်ပင်ကြတယ်။ ငါတို့ရွာထဲဝင်ပြီးရိက္ခာဝယ်မယ်ပေါ့ ။ ဝယ်ပြီးမှပြန်လာပြီး တူးကြတာပေါ့လို့တင်ပင်ပြီးပြန်ခဲ့ကြတယ်။ အပြန်လမ်းမှာတော့ ။
သူငယ်ချင်းတွေထဲကတစ်ယောက်ကပူပန် တယ် ။ ငါတို့သွားပြီးရိက္ခာဝယ်တဲ့အခါတစ်ယောက် တလေကများသိသွားပြီးဖေါက်သည်ချလိုက်ရင်ငါတို့ဝေစုနည်းလိမ့်မယ်လို့ပြောလာတော့ ။ ကျန်နှစ်ယောက် ကလည်းပြောတယ်လေ ဟုတ်တယ်ဘယ်သူ့ကိုမှမပြောနဲ့ တို့မိန်းမတွေကိုလည်းမသိစေနဲ့သူတို့က နှုတ်မ လှုံကြတော့တစ်ရွာလုံးသိသွားနိုင်တယ်။ အဲဒီတော့တို့ဒီလိုလုပ်ကြမယ်။
တို့သုံးယောက်လုံးတို့မိန်းမတွေသားသမီးတွေကစ ဘယ်သူ့ကိုမှပြောရဘူး ရိက္ခာတိတ်တိတ်လေး ယူပြီးခါတိုင်းလို မနက်စောစောပြန်ထွက်မယ် ။ သားသမီးတွေကိုလဲမသိစေနဲ့ ။
စပြီးသတင်းပေါက်ကြားအောင်
လုပ်တဲ့တစ်ယောက်ကိုတော့ တို့ သတ်ပစ်မယ်ဆိုပြီး ဂတိတွေပြုကြတယ်။ အားလုံးသဘောတူပြီးရွာထဲကို ဝင်လာကြတယ်။ စကားများပြီးမိန်းမကြောက်တတ်တဲ့တစ်ယောက်က တစ်ညလုံးအိပ်မပျော်ဘူး ။ သူ့မိန်းမ ကလည်းမနက်ဖန်ဘာအစီစဉ်ရှိသလဲလို့မေးလာတယ်ဖြေရသိပ်ခက်ပြီး ဝေ့လည်ကြောင်ပတ်လုပ်နေတာပေါ့
နောက်တစ်ယောက်ကလည်းအိပ်မပျော်ဘူး ။ အိပ်မက်ယောက်တတ်တော့ ကြောက်နေတယ် အိပ်မက်မက် ပြီးပြောထွက်သွားရင် သူ့မိန်းသိသွားနိုင်တယ် မိုးမလင်းခင် စကားများတဲ့မိန်းမလက်ချက်နဲ့တစ်ဈေးလုံး ပြန့် သွားရင်ငါတော့အသတ်ခံရတော့မယ်လို့တွေးပြီးညအိပ်မပျော်ဘူး ။နောက်တစ်ယောက်ကလည်း တစ်သက် လုံးဆင်းရဲခဲ့သမျှဒီတစ်ချီတော့ ချမ်းသာပြီကွဆိုပြီး ပျော်ရွှင်ပီတိဖြစ်လို့အိပ်မပျော်ပြန်ဘူး။
မနက်လင်းတော့သူတို့သုံးဦးတိုးတိုးတိတ်တိတ်တွေ့ကြပြီးလူစုကြတာပေါ့ ။ သွားကြစို့ဆိုပြီး ထွက် လာကြတယ်။ အဲဒါပေမယ့် အနောက်ကိုကြည့်တော့ ရွာသူရွာသားတွေသူအများကြီးသူတို့နဲ့ခပ်လှမ်းလှမ်း ကလိုက်တာတွေ့တယ် ။ သူတို့သုံးဦးသား သံသယဖြစ်လာတယ်။ ဘယ်သူများဖေါက်သည်ချလိုက်သလဲပေါ့
သူငယ်ချင်းတစ်ယောက်တစ်ယောက်ကိုပြောတယ် မင်းပြောလိုက်တာနေမှာ မင်းမိန်းက စပ်စုတယ်တစ်ရွာ လုံးကိုလှည့်ပြီးမိုးလင်းမိုးချုပ်အသင်းတုပ်နေတာ ပြီးတော့မင်းက မိန်းမဆိုရင် သစ္ဆေလောက်ကြောက်တဲ့
ကောင် မင်းပြောတာဘဲဖြစ်ရမယ်။ တစ်ယောက်ကပြန်ပြောတယ် ။ ငါကတော့တစ်ညလုံး စိတ်ကိုထိန်း ထား လိုက်ရတာ ငါ့မိန်းမက မေးတိုင်း လှည့်ပတ်ပြီးဖြေခဲ့ရတယ်။ တစ်ညလုံးမိန်းကိုကြောက်တဲ့အပြင် ငါ့ကြောင့်
ပေါက်ကြားသွားလို့တော့ အသတ်ခံရတော့မှာဘဲဆိုပြီးလုံးဝမပြောရဲဘူး ။ မင်းကြောင့်ပေါက်ကြားတာဘဲနေ မှာ ပါ ။ မင်းက ညည အိပ်ရင်ယောင်တတ်တယ်။ အဲဒီတော့ စိတ်လှုပ်ရှားပြီးအိပ်မက်ကနေတဆင့်မင်းဘဲ
ပြောလိုက်တာနေမှာ မင်းကိုသတ်ရမယ်လို့ဘဲပြန်ဖြေလိုက်တယ်။
နောက်သူငယ်ချင်းတစ်ယောက်ကတော့ဘာပြောသလဲဆို ရင် နေကြအုံးကွ ရွာသားတွေက သူတို့ ဖါသာတခြား အလုပ်ရှိလို့ တစ်နေရာသွားတာလဲဖြစ်နိုင်တယ် အဲဒီတော့ ငါတို့ လမ်းကြောင်းကိုပြောင်းပြီး ဟို
ဘက်တောင်စောင်းက ရှောက်ကြည့်ရအောင်ဆိုတော့ လမ်းလွှဲပြီးသွားကြည့်ကြတယ်။ တစ်ကွေ့လောက်
ရောက်လို့ပြန်လှည့်ကြည့်လိုက်တော့သူတို့နောက် ကိုလိုက်လာနေကြတုန်းဘဲ။ ဒါနဲ့ နောက်ထပ်လမ်းတစ် လမ်းကိုပြောင်းပြီးသွားကြည့်တော့လည်း လိုက်လာနေကြပြန်တယ်။
ကဲငါတို့သုံးယောက်မှာသစ္စာဖေါက်တော့ရှိနေပြီဘယ်တစ်ယောက်လဲဆိုတာသိအောင်ဖေါ်ထုတ် ပြီး သတ်လိုက်ကြမယ်လို့ ဆုံးဖြတ်သဘောတူကြတယ်။ အဲဒါနဲ့ရွာသားတွေကိုစောင့်ခေါ်ပြီးမေးလိုက်တယ်
ဒီမယ် ရွာသူရွာသားများခင်များ ။ ခင်များတို့ဘယ်ကိုများသွားကြမလို့လဲ လက်ထဲမှာလည်းပေါက်တူးတွေ
ပေါက်ပြားတွေနဲ့ပါလား ဆိုပြီးမေးတော့ ရွာသားတွေထဲက ခပ်သွပ် သွပ် ယောင်္ကျားဆန်ဆန်နေတဲ့ အမျိုး သမီးကြီးတစ်ယောက်က ဖြေတယ် ။ ငါတို့လား ..... နင်တို့နောက်ကိုလိုက်လာတာလေ ။ ဘယ်လောက် ဝေး
သေးလဲ ... တဲ့။ ဟာဒုက္ခပါဘဲ ဘာပြောတာလဲ ဘာမေးတာလဲ ဆိုတော့ နောက်တစ်ယောက်ကဖြေတယ် ဟုတ်တယ်မောင်ရင်တို့ မောင်ရင်တို့က ရွှေတွင်းတွေ့ထားတယ်ဆိုတော့ငါတို့ လည်း ချမ်းသာချင်လို လိုက် လာကြတာပေါ့ တစ်ရွာထဲသားတွေဘဲကွာ မရှိအတူရှိအတူပေါ့ မဟုတ်လား လာဆက်သွားကြစို့လို့ပြောလာ
တယ် အဲဒါနဲ သူငယ်ချင်းသုံးယောက် တစ်ယောက်မျက်နှာတစ်ယောက်ကြည့်တယ် ဒီနေ့တော့ သစ္စာဖေါက်
တစ်ယောက်ရဲ့အလောင်းကိုအရင် မြေမြုပ်ပြီးမှ ရွှေဆက်တူးမယ်ပေါ့။ အဲဒါကြောင့်မေးလိုက်တယ် ။ ဟုတ်ပီ
အဆွေတို့ အဆွေတို့ပြောတာကိုလက်ခံတယ် ဒါပေမယ့်တစ်ခုတော့မေးမယ် အဲဒါကိုဖြေမှ ကျုပ်တို့ဆက်
သွားမယ်ပေါ့ ။ အဲဒီတော့ရွာသားတွေကမေးပါပေါ့ ။ ကျုပ်တို့ရွှေတွင်းတွေ့ထားတယ်ဆိုတာ ခင်များတို့ ဘယ်
ကစသိတာလဲ ဘယ်သူ့ဆီကစသိတာလဲပေါ့ ။ မေးလိုက်တော့ရွာသားတွေက ပြုံးပြီးဖြေတယ် ။
ဘယ်သူကမှမပြောပါဘူး တဲ့ ။ မဟုတ်သေးပါဘူးဒါဖြင့်ခင်များတို့ကဘာလို့ကျုပ်တို့နောက်ကိုလိုက် ရတာလဲ ဆိုတော့ မင်းတို့သုံးယောက်လုံးရဲ့ မျက်နှာက ဘယ်သူမှပြောပြစရာမလိုဘဲ ရွှေတွင်းတွေ့ထား တယ်ဆိုတာသိသာတယ်။ ခါတိုင်းနဲ့မတူဘဲ ပီတိတွေဖြစ်နေကြတယ်။ မျှော်လင့်စရာအသစ်တွေ့လို့ချမ်း သာ ကြွယ်ဝတဲ့ ဘဝ ကိုရထားတဲ့ ပီတိမျက်နှာတွေလေ အဲဒါကြောင့် ငါတို့လိုက်လာကြတ်ာပေါ့တဲ့ ။ အော် အော် ။
ခရစ်တော်ကိုတွေ့ထားတဲ့လူဆိုတာလဲ ရွှေတွင်းတွေ့ထားသလို ကယ်တင်ခြင်းတရားကြောင့် အလို လိုဝမ်းမြောက်ပျော်ရွှင် နေမှာပါ ။ အပြုအမူ အပြောအဆိုက အစ သာမာန်လူနဲ့မတူတော့ဘူး ။
ကိုကောင်း(ရတနာမြေ)
အောက်တိုဘာ ၁၇ ၊ ၂၀၁၂
ပြန်လည်ဝေငှခြင်းဖြစ်သည်။
No comments:
Post a Comment